Hiri-espazioaren plangintza eta trafikoa
Ikerketa batzuen arabera, hiri handietan urtean, batez beste, berrogei ordu inguru eman daitezke auto-ilaretan, nahiz eta batzuentzat zifra hau labur geratzen den. Zein izan daiteke irtenbidea? Hiri-espazioaren plangintza ona. Garraio publikoa izan ohi da hiri handietan mugitzeko aukerarik onena. Hala ere, pertsona batzuentzat ez da ezta aukera bat ere, eta egunero jasan behar izaten dituzte trafikoaren ondorioak.
Zergatik da garrantzitsua hiri-espazioaren plangintza on bat egitea?
Askotan gidariei egozten zaie trafikoaren arazoaren errua; hala ere, ez da ahaztu behar askotan hirien plangintza dela arazo horren iturria.
Arrazoi nagusietako bat da sarbideak ez direla gai puntako orduetan eratzen den trafiko guztia xurgatzeko. Hiri handi eta txikietarako sarrerak eta irteerak ez daude planifikatuta puntako orduetan trafikoak jasateko.
Nola lagun dezake hiri-espazioaren plangintza on batek?
Beharrezkoa da mugikortasuna hobetzeko beren ezagutzak eta esperientziak emango dituzten administrazio publikoek, herritarrek eta sektoreko enpresa liderrek elkarrekin garatutako hiri-mugikortasun jasangarriko planak sortzea. Ezinbestekoa da errepideetan dabiltzan ibilgailuen kopurua murrizten lagunduko duten garraio publikoko proiektu eraginkorrak sortzea, baina horrek bizitegi-eremuen paradigmetan aldaketak ekarri behar ditu.
Hiri-mugikortasun jasangarria bizitegi-gune berri bat sortzen denean hasten da; beharrezkoa da zehatz-mehatz aztertzea zenbat pertsona espero diren gune horretan bizitzea, bai eta zenbat pertsona mugituko diren bertan ezarriko diren jarduera ekonomikoen ondorioz. Azken finean, sortuko diren mugikortasun beharrak bere osotasunean baloratu behar dira.
Kontuan izan behar da auto-ilarak aurreikus daitezkeela garraioaren simulazio-ereduen laguntzaz. Inguruan egongo den trafiko-fluxua kalkulatzeko balio dute. Datu hori zehaztu ondoren, horiek prebenitzeko plan eraginkorrak sor daitezke.
Informazio horretatik abiatuta, posible da mugikortasun-fluxu berria xurgatzeko beharrezkoak diren azpiegiturak garatzea, bai ibilgailu pribatuaren ikuspegitik, bai garraio publikoaren eta oinezko zein bizikletazko mugikortasunaren ikuspegitik.
Ingarteken egunero lan egiten dugu desberdintasuna markatuko duen hiri espazioaren plangintza bat lortzeko.
