Turisten fluxuari buruzko azterketa fitur-en
Telefonia mugikorreko datuen bidez egindako turisten fluxuari buruzko analisia goraldian dago, eta hori oso nabarmena izango da Fitur-en, turismoaren profesionalentzako azoka nagusian. Bertan Ingartek ere izango da. Baina lasai, ez gara bidaia-agentzia bihurtu! Fitur-era Aholkularitza eta Mugikortasun eta Garraio Ingeniaritza gisa joango gara. Eta batek baino gehiagok bere buruari galdetuko dio: zer egingo du Ingartekek Fitur-en? Kontatuko dizuegu!
Turismoaren azoka aitzindarira mugikortasunean aditu gisa joango gara, pertsonen mugikortasunari aplikatutako sistema eta teknologien arloko azken berrikuntzak ezagutzera ematera. Gure Ezagutzaren Blogeko azken sarreretan kontatu dizuegu aspaldi ari garela lanean hainbat hiritako turisten joan-etorriak (iritsierak eta irteerak) telefonia mugikorreko datuen bidez analizatzeko metodoekin.
Teknika berri horiek dakartzaten abantailei buruz ere hitz egin dizuegu; teknika berri horiek, orain arteko metodoekin bat eginez, aukera ematen dute gaiari buruzko ezagutza handiagoa lortzeko eta, horrela, etorkizuna aurreikusteko.
Zer eskaini diezaiokegu turismo-sektoreari Ingarteketik?
Telefonia mugikorretik lortutako datuek jatorri/helmuga matrizeak sortzeko aukera ematen dute. Datu horiek, gero, etorkizuneko mugikortasun-planetan, hiri batek eskain ditzakeen zerbitzuetan, garraio-planetan eta abarretan aplika daitezke, guztiak ere eraginkortasuna, jasangarritasuna eta segurtasuna hobetzera bideratuta.
Turisten fluxua gero eta handiagoa da, eta faktore hori aztertzea komeni da, besteak beste, mugikortasunaren ikuspegitik. Telefonia mugikorreko datuak fluxua antolatzen duten politikak sortzea ahalbidetuko dute, aukera ematen dutelako zenbat turista iristen diren, nola iristen diren eta hirien barruan nola mugitzen diren ezagutzeko. Datuak (sasi-anonimizatuak eta agregatuak) erabil daitezke, adibidez, beti zaila den “efektu txangozalearen” neurketa egiteko; hau da, gure lurraldea bisitatzen duten baina bertan gaua igarotzen ez duten turisten kopurua kuantifikatzeko.
Zer beste abantaila eskaintzen ditu? Orangerekin dugun lankidetzari esker, Europa osoko azken hiru urteetako edozein egun, aste edo hilabeteko benetako joan-etorriei buruzko informazioa lor dezakegu. Lortutako datuak erroldakoak dira, eta erraz jaso daitezke biztanleria osora. Egun hauetan Fitur-era joango bazara eta nola lagundu diezazukegun jakin nahi baduzu, jar zaitez gurekin harremanetan hitzordua adosteko. Hartu aurre etorkizunari eta hasi zure hiriko mugikortasuna planifikatzen!
