Egokitzapena, hiri-mugikortasuneko aholkularitza baten gakoa
Datozen urteetan hiriguneetako biztanleria handitzea espero da. Hirien bolumenak hazten jarraituko du eta hiri-mugikortasuneko aholkularitzaren lana gero eta beharrezkoagoa izango da. Egoera berriak herritarren beharretara egokitu behar dira.
Hiri-mugikortasuneko aholkularitza beharrezkoa egiten duten aldaketak
Kontuan izanik hiri-mugikortasuna dela hiri batean egiten diren pertsonen eta salgaien joan-etorrien multzoa, hiru premiari heldu behar zaie: oinezkoentzako espazioen eskasia, ibilgailu motordunen gorakada eta kutsadura.
- Oinezkoentzako espazioak. Oinezkoentzako espazioak gero eta urriagoak dira. Biztanleriak gora egin ahala, trafiko-dentsitate handiagoa dago, eta oinez ibiltzeko espazioak murriztu egiten dira.
- Ibilgailu motordunak. Herritar gehienek nahiago dute motordun ibilgailua erabili, oinez, bizikletaz edo garraio publikoan ibili baino. Denbora aurreztea, azpiegitura falta edo erosotasuna dira arrazoietako batzuk.
- Kutsadura. Ibilgailu motordunekin egindako joan-etorrien hazkundeak kutsadura maila handitzen du, eta horrek arazo bat dakar biztanleen osasunerako.
Nola egin aurre hiri-mugikortasuneko arazoei?
Hiri-mugikortasuneko azterketak egiteaz arduratzen diren aholkularitzek badakite aldaketak egin behar direla. Hobekuntza hori hiru faktoreren mende dago: mentalitate-aldaketa, teknologia berrietara egokitzea eta berrantolaketa.
1. Mentalitate-aldaketa
Belaunaldi berriek ez dute aurrekoek zuten gidatzeko behar bera sentitzen. Gazte askorentzat, askatasuna ez dago ibilgailu motorduna izatearen mende, baizik eta helmugara iristeko baliabideak izatearen mende.
Joera horrek, beharbada, ez dio mesederik egiten automobilgintzari, baina argi uzten du kontzientziazioa inposaketaren gainetik dagoela. Garraio pribatuari alternatibak ematea eta heztea dira aldaketa sustatzeko gakoetako batzuk.
2. Teknologia berrietara egokitzea
Hiriak, ezinbestean, smatrcity edo hiri adimendun bihurtzeko bidean daude. Konektagarritasuna nagusitu egiten da, baina beharrezkoa da guztiek, oinezkoek, enpresek eta administrazio publikoek, bat egitea. Horrela bakarrik eman dakizkieke herritarrei datu fidagarriak eta konponbide eraginkorrak.
3. Berrantolaketa
Hirugarren faktorea bidaiarien eta salgaien garraioaren berrantolaketa da. Gainera, ingeniaritza zibileko eta mugikortasun iraunkorreko irtenbideak eman behar dira. Garraio publikoaren ibilbideak aldatzea eta zabaltzea eta espazioak oinezkoen beharretara egokitzea ezinbesteko urratsa da.
Ingartekek hiri-mugikortasuneko aholkularitza eskaintzen du. Administrazioekin lankidetzan jardun dezakegu gizartearen joera eta behar berrietara egokitzeko. Esperientzia eta ideia asko ditugu hirietan pertsonen eta ibilgailuen joan-etorriak hobetzeko.
