Mugikortasuneko eta trafikoko azterketak: ezinbestekoak emaitzak optimizatzeko
Hiriaren edozein zonako mugikortasuneko eta trafikoko azterketak egitea funtsezkoa da emaitzak optimizatzeko beharrezkoak diren ekintzak barneratzeko. Baina oso garrantzitsua da erabaki bat hartu aurretik beharrezkoak diren ikuskaritzak egitea eta beharrezkoak diren analisi guztiak egitea. Ingartek hainbat atazaz arduratzen den mugikortasunaren ingeniaritza enpresa bat da, esaterako, mugikortasun azterketak, hiriko mugikortasun jasangarria edo trafikoaren azterketak egiten ditugu.
Zertarako balio dute mugikortasuneko eta trafikoko azterketek?
Mugikortasuneko eta trafikoko azterketak egiteko ezinbestekoa da diziplina anitzeko taldea lanean jartzea, Ingartekena, esaterako. Hark trafikotik biltzen dituen datuetan oinarrituta halako ikerketak egiten ditu. Baina, gainera, inkestak edo azterketak ere egiten ditu dauden eskaeren inguruan.
Ikerketa eta inkesta horietatik lortzen den informazioan oinarrituta mugikortasuneko ereduak, inpaktuen azterketak eta simulazioak egiten dira. Aipaturiko hori guztia baliagarria da erabilgarri dauden azterketak optimizatzeko eta baita erabiltzaileak haiekin pozago egoteko ere.
Ezin dugu ahaztu mugikortasuneko eta trafikoko azterketak direla irisgarritasun unibertsala lortze aldera egoera zehatzak aztertzeko oinarriak, baina baita hirien zaharberritzerako eta gune publikoen arrakastarako ere.
Mugikortasuneko eta trafikoko azterketak honetarako egiten dira:
- Trafikoaren herri administrazioa
- Garraio operadoreak
- Azpiegituren herri administrazioa
- Garraioaren herri administrazioa
- Kontzesioak
- Ingeniaritzak
Jarraian, Ingartekek mugikortasuneko eta trafikoko azterketekin lotuta egin dituen zenbait proiektu aipatuko ditugu:
- Jatorria-helmuga matrizeen definizioa Gasteizko autobusetan. Kasu honetan, Tuvisak zenbait aldaketa behar zituen L1 eta L8 lineetan. Bi geltokiko bi linea zirkular dira, eta hainbat aldaketa egitearen inguruan ari ziren hausnartzen. Ingartekek beharrezkoak ziren azterketak egin zituen aldaketak egiteko lekurik egokiena zein zen jakiteko.
- Leioako tranbiaren eskaeraren azterketa. Proiektu honetan, Euskal Trenbide Sarea enpresarentzat eskaera eredu espezifiko bat sortu zen. Hainbat faktore baloratu ziren, esaterako, eraginaren eremua, garraioaren eskaintza, garraiobide publikoan egindako bidaiak edo ikastetxeetarako mugikortasuna. Mugikortasunaren osotasunean eta diru-bilketan izango lituzkeen ondorioak ere aztertu ziren.
- Trafiko astunaren analisia N-240 errepidean Legution. Bi noranzkoko bide bat zen, sestra-aldaketak zituen eta ikusgarritasun txarrekoa. Gainera, trafiko ugari zebilen, ibilgailu astunena gehienbat. Hori guztiaren ondorioz arazo asko ematen zituen puntu bat zen. Trafikoaren simulazioari esker, Ingartekek errepide horren istripu-kopurua murrizteko irtenbideak aurkitu zituen.
