Ingartekek parte hartzen du CityTOOLS proiektuan, xede nagusitzat duena prototipo bat ikertzea, diseinatzea, garatzea eta ebaluatzea, kudeaketarako, informaziorako eta komunikaziorako plataforma sendoa, irekia, zeharkakoa eta eskalagarria lortzeko.
Helburua da plataformak nazioarteko, Europako eta nazioko estandar eta arautegi guztiak betetzea, Smart City kontzeptua munduko edozein hiri- eta lurralde-eredutan hedatzeko. Horretarako, garraioaren, hiri-mugikortasunaren eta lurralde-plangintzaren eremuetan zerbitzu eta aplikazio aurreratuak garatu eta zabaldu beharko dira, etorkizuneko Hiri Adimendunen Kontrol Zentroaren oinarria eraikitze aldera.
CityTOOLS plataforma teknologiko berriak ikerketa, ezagutza, jarrera eta osagai zientifiko-teknologikoen eta/edo berrikuntzako osagaien emaitzak bilduko ditu. Xedea da haren zabalkuntza bideragarri egitea eta etorkizuneko zerbitzu adimendun berriekin bateragarria eta elkarreragingarria izango dela bermatzea, ingurumenari, energiari, osasunari, segurtasunari, turismoari, gobernantzari eta beste hainbat alorri dagokienean. Lortu nahi dugu Euskadiko IKT industria aurrendaria izatea suspertzen ari den sektore batean: Smart City-ak, alegia.
I+G bultzatzeko Hazitek enpresa-programak sustatu du proiektua. Eusko Jaurlaritzak eta Eskualde Garapenerako Europako Funtsak (FEDER) batera finantzatutako programa honek “oinarritzat ditu EAEko enpresen sektorean eta Euskadi 2020 Zientzia, Teknologia eta Berrikuntza Planaren espezializazio-eremuetan Ikerketa Industrialeko edo Garapen Esperimentaleko Proiektu lehiakorrak eta estrategikoak burutzen laguntzeko diru-laguntza itzulezinak”.
