Ingartekek hiriko mugikortasun iraunkorraren simus saria irabazi du
Hiriko mugikortasun iraunkorraren Simus saria jaso du Ingartekek, Berrikuntza eta mugikortasun joera berrien kategorian, telefoniako Big Dataren laguntzaz hirietako mugikortasuna hobeto planifikatzea xede duen proiektuarengatik.
Zehazkiago, Sinus saria jaso du Donostiako Udalarentzat garatutako proiektuarengatik, non telefonia mugikorreko datuak erabiltzen diren mugikortasun-patroiak eta helmuga-jatorriko matrizeak modu ez-intrusiboan ateratzeko.
Hiri-mugikortasun iraunkorraren alde
Simus hiri mugikortasun iraunkorrean espezializatutako sarea da, eta bertan Latinoamerikako eragile nagusiak biltzen dira. Simusek ezagutzak eta esperientziak trukatzeko eta, horrela, hiri mugikortasun iraunkorraren arloan kalitate handiko zerbitzuak eta politika publikoko ekimenak sustatzeko lan egiten du. Kolektibo honen helburua Latinoamerikako hirietan mugikortasuna sustatzea, sendotzea, eraldatzea eta modernizatzea da, garraio publikoko sistema integratuak ezarriz eta optimizatuz.
Telefonia mugikorreko datuen erabilerak espazio-denborako tresna berriak eskaintzen ditu mugikortasunaren plangintza hobetzeko, egungo garraio-sareen eraginkortasunik ezak murrizteko eta garraio jarduera desberdinen eskaria aurreikusteko. Ingartek aspalditik ari da arlo horretan lanean, eta sakelako telefonoen datuak etorkizun handiko datu iturrietako bat direla egiaztatu ahal izan du. Datu horiek, tratatu ondoren, erabiltzaileen bidaien sortze eta banaketari buruzko zuzeneko behaketak egiteko aukera ematen dute, bai eta aldi jakin batean erabiltzaile baten kokapen-sekuentziei buruzko behaketak egiteko aukera ere.
Ingarteketik eskerrak eman nahi dizkiegu Simuseko kide guztiei, baita aukeratutako proiektuaren alde bozkatu duzuen guztioi ere.