IDDIGO plataformari buruzko webinarra
2022tik aurrera, IdenCity enpresarekin bat egin dugu IDDIGO plataformaren merkaturatzean. Online plataforma horrek Espainiako hirien portaera- eta errendimendu-adierazleak biltegiratu, kudeatu eta aztertzen ditu; 800 hiri-adierazle baino gehiago ditu (handitzen ari da), eta machine learning eta adimen artifiziala bezalako teknologiak erabiltzen ditu.
IDDIGO plataformaren funtzionalitateak laburbiltzen dituen bideo hau ikustera eta asteazkenean, martxoak 9, 12:00etan izango den webinar batera joatera gonbidatzen zaitugu. Bertan, tresna aurkeztu eta zure galderei erantzungo diegu.
Zer ikasiko duzu webinar honetan?
- Mugikortasuna, lehiakortasuna eta iraunkortasuna bezalako gaietan zure hiri eta udalerrien errendimendua nola behatu eta alderatu azalduko dizugu.
- Udalerrien jarduera nola monitorizatu. Adibidez, Garapen Iraunkorrerako Helburuak (GIH) lortzetik zein gertu zauden.
- Nola erabili erabakiak hartzeko prozesuak errazten dituzten hiri-mailako errendimendu-adierazleak.
- Hiriek eta udalerriek etorkizunean izango duten portaera iragartzeko eta simulatzeko IDDIGO tresnak ezagutuko dituzu.
Webinarrean hurrengoek hartuko dute parte: Udane Ansa, Ingartekeko Bide, Ubide eta Portuetako ingeniaria; Javier Serra, IdenCity enpresako zuzendari exekutiboa; eta Andreina Seijas, IDDIGO-ko Marketin eta Komunikazio zuzendaria.
Betiere, hiri-mugikortasun iraunkorraren alde eginez
Ingarteken nahia da herritarrei haien joan-etorrietan mugikortasun handiagoa emango dien mundu bat lortzea. Horregatik, mugikortasunari buruzko datuak informazio bihurtzen ditugu, bezeroari gastuak eta arazoak murrizten eta haren negozioa optimizatzen laguntzeko. Horretarako, eredu matematikoak, soziologia, teknologia eta ingeniaritza bateratzen ditugu. Zuzeneko bideak erabiltzen ditugu bezeroarengana eraginkortasunez iristeko.
Hiri, hiritar eta administrazio publikoei laguntzen diegu hiritarrak hiri-eremuetako irisgarritasunarekin, garraioarekin eta mugikortasunarekin pozik egon daitezen. Garraioa eta mugikortasuna denboraren eta kostuaren aldetik eraginkorrak izan daitezen lortu nahi dugu.
2022an, IdenCity-rekin batera hasi dugun ibilbide berri hau beste urrats bat da hiri-mugikortasun iraunkorra bultzatzeko.
Horregatik, Ingarteketik webinarrean parte hartzera animatzen zaituztegu, IDDIGO plataforma bertatik bertara ezagutzeko.
.